Захын судасны ерөнхий эсэргүүцлийг багасгаж артерийн даралт ба зүрхний агшилтын өмнөх ба дараах ачааллыг бууруулах артерийн судсыг венийн судаснаас илүү өргөсгөх үйлдэл үзүүлнэ.Бэлдмэлийн даралт бууруулах үйлдэл нь цусан дахь ренины хэмжээ өндөр байгаа үед бага буюу хэвийн үеийнхээс хүчтэй илэрдэг. Артерийн даралтыг эмчилгээний хүрээнд бууруулахдаа тархины цусны эргэлтэнд нөлөөлдөггүй. Түүнчлэн зүрхний булчингийн цусан хангамж дутагдаж буй хэсгийн цусан хангамжийг сайжруулна. Бэлдмэлийг судсанд тарьж хэрэглэхэд үйлдэл нь 5-15 минутын дараа илэрч, 1-4 цагийн дараа дараа дээд хэмжээндээ хүрч, 6 цаг үргэлжилнэ. Гипертонийн криз, дотуур ууж хэрэглэх эмчилгээ боломжгүй артерийн гипертензи, гипертонийн энцефалопатиийн үед хэрэглэнэ.

Эналаприлат 1,25 мг

RX

1.25 мг/1мл Энапыг 20-50 мл 5%-ын глюкоз (декстроз), 0.9% натрийн хлоридын уусмалаар шингэрүүлж 5 минутын турш судсанд аажим тарих буюу судсанд дуслаар 6 цагийн зайтай тарина. Эмчилгээг зөвхөн эмнэлгийн нөхцөлд явуулна. Бэлдмэлийг ердийн тунгаар буюу 1.25 мг тунгаар (1мл) 6 цагийн зайтай (урьд нь эналаприл ууж хэрэглэж байсан өвчтөнд ч) тарина.Шээс хөөх эм хэрэглэж байгаа өвчтөнд эхлээд 0.625 мг (0.5 мл) хүртэл тунг багасгаж хэрэглэнэ. 1 цагийн дараа үр нөлөө сайн илрэхгүй байвал дээрх тунгаар давтаж болох ба 6 цагийн дараа эмчилгээг бүтэн тунгаар (1.25 мг-р 6 цагийн зайтай) үргэлжлүүлнэ.Бөөрний дутагдлын үеийн тугналт: Хөнгөн явцтай бөөрний архаг дутагдлын (креатинины клиренс 0.5 мл/с-с их, цусан дахь креатинин 265.2 мкмоль/л хүртэл) үед 1.25 мг (1мл) тунгаар 6 цагийн зайтай хэрэглэх ба энэ үед тунг зохицуулах шаардлагагүй. 1 цагийн дараа эмчилгээний тохиромжтой үр нөлөө илрэхгүй байвал дээрх тунгаар давтаж болох ба 1.25 мг-р 6 цагийн зайтай хэрэглэж эмчилгээг үргэлжлүүлнэ.Креатинины клиренс 0.5 мл/с-с бага, цусан дахь креатинин 265.2 мкмоль/л-с их үед эхлээд 0.625 мг (0.5 мл) тунгаар хэрэглэх бөгөөд артерийн даралт хэт буурахаас болгоомжлон 1 цагийн хугацаанд хянана. 1 цагийн дараа үр нөлөө илрэхгүй байвал дээрх тунгаар давтаж болох ба цаашдаа 1.25 мг-р 6 цагийн зайтай хэрэглэж эмчилгээг үргэлжлүүлнэ. Гемодиализ-д байгаа өвчтөнд бэлдмэлийг 0.625 мг (0.5 мл)-р 6 цагийн зайтай 48 цагийн турш хэрэглэнэ.Ууж хэрэглэх эмчилгээнд шилжиж байгаа үед өмнө нь Энап-ыг 1.25 мг-р судсанд тарьж хэрэглэж байсан өвчтөнд эналаприлыг эхлээд хоногт 5 мг-р хэрэглэнэ. Шаардлагатай үед ууж хэрэглэх тунг ихэсгэж болно. Харин Энап-ыг 0.625 мг тунгаар эхэлж хэрэглэж байсан өвчтөнийг ууж хэрэглэх эмчилгээнд шилжүүлэхдээ хоногт 2.5 мг эналаприл хэрэглэнэ.
Үйлдвэрлэсэн улс: Словени